O diario Marca faise eco das pretensións do Loureiro´s Raid Team

A prensa deportiva nacional faise eco das pretensións do equipo Loureiro´s Raid Team. Aínda que o staff técnico do equipo nin desminte nin confirma a noticia que aparece na portada do diario Marca, fontes moi próximas a dito diario falan xa dunha reunión secreta nas terras Cántabras do Soplao, concretamente subindo o Moral. Nesta reunión, como pode verse nas páxinas interiores do diario, falaron da cláusula de rescisión de Julius Mufasa co equipo Aventura, así como algúns detalles do seu novo contrato. Os requerimentos do raider foron claros e o equipo Loureiro´s está estudiando as esixencias de Julius (limpeza da bicicleta despois dos adestramentos con engrasado de cadea e revisión de frenos, un par de birras en cada carreira e unha ducha quente ó finalizar cada raid).

O Loureiro´s Raid Team leva un 8º e 9º posto, moi por debaixo das pretensións do club, polo que está a buscar fichajes de primavera en terras galas principalmente. Ten menos dun mes para poder reforzarse e intentar conseguir colgarse ós postos altos da clasificación. Supoñemos que en vindeiros días fagan as primeiras declaracións as dúas partes.